İNANMA — EHTİYAT EYLƏ

XURAMAN MURADOVA

Hər an gələcək dərdə, fəlakətə hazır ol!
Səbr eylə, hesab eylə, dünyanı ağılla zənn et!
Dövrün sənə verdiyi hər vədə inanma heç,
Sakit gecənin arxasını fırtına zənn et!

Mərd bildiyin insan da bəzən edər azğınlıq,
Qəlb dəftərini açsan, görsən nə qərəzlər var!
Məsum görünən çöhrə altında gizənmiş kin,
Ən saf ruhu kölgəylə bürür qəfləti əğyar!

Nankorluq edər bəndə, ehsanı unutmaqda,
Tamah gözünü örtər, nəfs üstün olar əqlə.
Qəlbində mülayimlik ola gərək insanda,
Məkrlə həqarət də doğular qara fikir-əqlə.

Dünya evinin hökmü təbiətdə xəyanətdir,
Aldanma güvən hissə, ehtiyat et, ayıq dolan!
Ən parlaq olan aynada bir gün ləkə görərsən,
Hər sirrə təəccüb etmə, budur eyni həqiqət olan!

Xuraman deyər: hər gülən üzə sirrini açma,
Dost bildiyin hər kəsi özünə həmdəm sanma.
Mərhəmətli ol, fəqət, qəlbən hər kəsə bağlanma,
Zahirə aldanıb hər deyilən vədə inanma!