Arı gülə nəfəs verir,
Gül arıya can şirəsin
Arılar ölsə deyillər,
Bitəcək ömrü hər kəsin.

Həyat bu incə sevgiyə,
Bu qədər bağlıdır dərin,
Allah sevgisi bitməsin
Arıların, çiçəklərin.

Onlar sevişir bal olur,
İnsan yeyir dada, dada,
Kaş ki bir az ürək olsun,
İlahi, insanlarda da.

Özünü xilqət kralı,
Sanan insan da, bir təhər,
Paylaşa bilmir çörəyin,
İnsanlarla, arı qədər.

Onlar minnətsiz paylaşır
Çölləri, çəmənləri,
Heç bilmirlər də, ölüm var,
Çürüyəcək bədənləri!

Arıların axtardığı
Savab deyil, günah deyil,
Arıların axtardığı,
Biz axtaran Allah deyil...

Şərifə Cəfəri.