Xuraman Muradova - Vətən

Torpaq altından ucalmış bir müqəddəs can bilir,

Qanda daşınan ən ali bir əmanətdir — vətən!

Kölgə sanma sən o bayrağı, ucalmış ərşə bax,

Millətin can rəmzi, qeyrətlə şərafətdir — vətən!

Mən kitabdan öyrənmədim eşqi, baxdım gözlərə,

Şəhid anasından qalan dərsi-məhəbbətdir — vətən!

İstər sussun, istər dastanlar desin hər bir könül,

Səslənən hər dildə tək sirli həqiqətdir — vətən!

Yansa sinəm, sönməyən bir od var artıq ürəkdə,

Şöləsi dünyanı fəth etmiş hərarətdir — vətən!

Hər kəsin bir sevgisi var bu cahanda, ey könül,

Bizə bəxş olmuş o can adı səadətdir — vətən!

Can qoyub torpağa, tarixə qanla yazdı adı,

Mərd igidlərdən qalan ali şücaətdir — vətən!

Ucalar o kəs ki, hər vaxt arxasında millətin,

İgid oğullarımızdan bir əmanətdir — vətən!

Göy üzündə çox sadə sanma o al bayraqları,

Hər bir damarda axan qanla fəzilətdir — vətən!

Ömrü fani sanma sən, vətən deyən can yaşayar,

Qocalmaz heç vaxt o qəlb, bil əbədiyyətdir — vətən!